బొజ్జ బాగా పెరిగిందని బెంగపెట్టుకున్నారా? అయితే ఈ చిట్కాను తప్పకుండా పాటించండి. ఉల్లి చేసే మేలు తల్లి కూడా చేయదని అనడంలో ఏ మాత్రం సందేహం లేదు. ఉల్లి సకల రోగాల నివారిణి. దాన్ని పచ్చిగా తినినా కూరలో వేసుకున్నా అందులోని పోషకాలు ఎప్పుడూ శరీరానికి మేలే చేస్తాయి. ముఖ్యంగా శరీరంలో కొవు నిల్వలు పెరగకుండా సహాయపడుతుంది. ఉల్లిలో ఉండే ‘క్వెర్సెటిన్ అనే యాంటీ ఆక్సిడెంట్ ఫ్లేవనాయిడ్ శరీరంలో పేరుకుపోవడాన్ని తగ్గిస్తుంది. మెటబాలిజంను పెంపొందించి కొవ్వు  పేరుకుపోవడం తగ్గిస్తుంది. 

ఉల్లిపాయలో కేలరీలు, సోడియం, కొలెస్ట్రాల్ తక్కువ కాబట్టి.. బరువు పెరుగుతామనే బెంగ కూడా అవసరం లేదు. ఉల్లితో బరువు తగ్గాలంటే ఈ కింది చిట్కాను పాటించండి. ఉల్లిపాయను రసంగా చేసుకుని తేనెతో కలపి పరగడుపునే తాగండి. రోజు విడిచి రోజు ఇలా తీసుకుంటే బరువు తగ్గే అవకాశం ఉంటుంది. ఈ రసం పొట్ట భాగంతోపాటు ఒంట్లో పేరుకుపోయిన కొవ్వును తొలగిస్తుంది.

ఇలా తయారు చేయండి :

ఉల్లిపాయ రసం, తెనే మిశ్రమం తయారీ కోసం పెద్ద పరిమాణంలో ఉన్న ఒక ఉల్లిపాయ తగిన మోతాదులో నీరు తీసుకోండి.

ఉల్లి రసంలో కలిపేం దుకు 1-2టీ స్పూన్ల తేనె అసవరం. ముందుగా ఉల్లిపాయ పొట్టు తీసి ముక్కులు చేయండి. అనంతరం ఆ ముక్కలను మిక్సిలో వేసి రుబ్బండి.

దానికి తగిన మోతాదులో నీరు, తేనె కలపండి. అంతే.. రసం సిద్ధమైపో తుంది. ఉల్లి గుజ్జుతో తాగడం ఇబ్బంది అనిపిస్తే.. ఒక శుభ్రమైన క్లాత్లోకి కలపడానికి ముందే ఉల్లి రసాన్ని వడపోయండి.